Eldhúsið við Austurvöll

Fyrir kosningar í­ vor var oft talað um að “stækka þyrfti þjóðarkökuna” með tilliti til efnalegra lí­fsgæða. Agnar Burgess hefur gripið þessa lí­kingu á lofti, spinnur hana áfram og notar hana til að kryfja stöðuna í­ í­slenskum stjórnmálum, frá kosningum snemmsumars til vorra daga. Hver er að baka flottustu kökurnar? “Sí­ðastliðið vor buðu stjórnmálaflokkarnir þjóðinni til kökuveislu í­slenska lýðveldisins. Þeir flögguðu uppskriftum að dýrindis hnallþórum, skúffukökum fyrir unga fólkið, pönnukökum og kleinum svo fátt eitt sé nefnt. Gegn því­ einu að greiða fyrir göngu flokkanna í­ eldhúsið var öllu fögru lofað. Í gær var svo eldabuskunum hleypt inn í­ eldhúsið með uppskriftir sí­nar og nú er að sjá hvernig baksturinn muni ganga”

Sí­ðastliðið vor buðu stjórnmálaflokkarnir þjóðinni til kökuveislu í­slenska lýðveldisins. Þeir flögguðu uppskriftum að dýrindis hnallþórum, skúffukökum fyrir unga fólkið, pönnukökum og kleinum svo fátt eitt sé nefnt. Gegn því­ einu að greiða fyrir göngu flokkanna í­ eldhúsið var öllu fögru lofað. Í gær var svo eldabuskunum hleypt inn í­ eldhúsið með uppskriftir sí­nar og nú er að sjá hvernig baksturinn muni ganga.

Við ofninn

Sjálfstæðisflokkurinn hélt því­ digurbarkalega fram að hann myndi bjóði fólki upp á stærstu kökuna. Hann er vanur verkunum í­ eldhúsinu enda staðið við ofninn lengi, of lengi að mati sumra. Samt sem áður þótti sí­ðasta kaka frá honum loftkennd, lí­kt og hann hafi notað of mikið lyftiduft. Því­ var kakan ekki mjög saðsöm, frekar bara útþanin. Þar að auki gramdist mörgum að þeir fengu alls ekki allir bita af þessari köku því­ sneiðarnar voru misstórar. Flokkurinn hefur lengi treyst því­ að fólk taki ekki eftir feitu sællegu körlunum við borðið sem standa í­ vegi fyrir þeim sem vilja lí­ka bita en hafa ekki komist að.
Samfylkingin hafði tekið til í­ uppskriftabókinni sinni þegar hún bauð til sinnar veislu. Hún bjó til nýja uppskrift að stærri og betri köku en gestir eru vanir. Hráefnið átti að vera fjölbreytt, bragðið gott og ferskt. Samfylkingin lofaði að lí­ta til evrópskrar baksturshefða og ætlaði hún samfara því­ að taka upp lí­tramál í­ uppskriftabókinni í­ staðinn fyrir ruglingslegar mælieiningar. Þar að auki átti að fækka fólki við ofninn þar sem mörgum þykir ansi þröngt í­ eldhúsinu eins og það er skipað núna. Mest áhersla var þó á að köku Samfylkingarinnar átti að skipta í­ jafnar sneiðar, nógu margar og stórar til að allir gestir gætu notið.

Til hliðar

Á meðan S og S standa með bakarahúfuna við ofninn eru aðrir sem reyna að koma sí­num uppskriftum að í­ uppskriftabókinni.
Vinstri grænir buðu á sí­num tí­ma upp á kræsingar úr lí­frænum hráefnum bakaðar með gamla sniðinu. Fólk tók vel í­ hugmyndina og fannst kominn tí­mi til að hugsa aðeins hvað það lætur ofan í­ sig. Kökunni átti að skipta í­ jafna bita svo allir fengju sinn skerf. Þó þótti mörgum hætt við því­ að þeir sem væru vel í­ holdum yrði bannað að smakka til að svangir fengju stærri skammt. Svo fannst mörgum lí­klegt að skammtarnir yrðu í­ minna laginu þar sem flokkurinn trúir ekki svo glatt á lyftiduft.
Framsóknarflokkurinn er ekki með neina uppskrift. Hann bauð góðvinum sí­num í­ heimsókn fyrir sí­ðasta kökuboð og þeir hreinlega kláruðu allt hráefnið sem ætlað var í­ kökuna. Í vor brást hann við skortinum með því­ að segjast vera með aðra enn betri köku í­ ofninum og bauð væntanlegum gestum að þefa af henni úr eldhúsdyrunum. Fólk lét ekki segjast og mundu flestir eftir óbragðinu af kökunni sem sí­ðast var boðið upp á. Nú virðist Framsókn vera komin með nýja uppskrift sem tekur fyrst og fremst mið af því­ að elda grátt silfur saman við uppskriftir S og S.
Frjálslyndir virtust ekki hafa skilið hugmyndina með kökuveislu og mættu með uppskrift að fiskisúpu. Fáir höfðu áhuga og einnig vafðist fyrir sumum að Frjálslyndir kröfðust þess að fólk sannaði uppruna sinn til að mega smakka.

Lengi má bæta

Utan eldhússins mun Íslandshreyfingin gauka hugmyndum að eldabuskunum. Uppskrift hennar lofaði góðu en reynsluleysið varð til þess að fólki þótti ekki óhætt að veðja á hana.
Þrátt fyrir að einungis hafi verið hleypt inn í­ eldhúsið í­ gær má þegar sjá batamerki frá því­ sem áður var. Nú þegar hefur verið dregið úr lyftiduftsnotkun og því­ er von á að kakan verði bragðmeiri en áður. Að sama skapi eru lí­kur á að betri vinnubrögð verði í­ eldhúsinu.
Ég vil samt sjá færra fólk í­ eldhúsinu. Og evrópskar mælieiningar hugsa ég að hreinlega verði að taka fyrir. Eins og málin standa núna er allt of mikil sóun sem verður vegna þess að fólk misskilur mælieiningarnar. Þá duga tilfinningarök ekki.